ديب السبانخ والخرشوف k2ana

 

| ديب السبانخ والخرشوف |



alt




alt




alt




| الطريقة والمقادير مع بعض | :



ع النار نحمس حبة متوسطة بصل أبيض مقطع لمكعبات صغيره , مع الزيت ..
ونحط ملح عليه عشان يذبل .



بعدها نضيف عليه سبانخ - أنا استخدمت كيس صغير من السبانخ المجمده - .
ونحركها لما تسخن , بعدين نضيف عليها خرشوف - معلب - مقطع لمكعبات صغيره .



بالنسبة للخرشوف أنا حطيت بس قطعتين - مقطعتهم لمكعبات -
طبعاً بتلقون بالسوبرماركت نوعين من الخرشوف الملعب ..



لأنهم يفصلون قطعة الخرشوف : يفصلون القمة أو الرأس أعتقد عن الباقي , ويعلبون كل جزء بحالة .
أنا أخذت الكعب اللي على شكل رأس حبة الفطر , زبدة الموضوع خذوا اللي مكتوب عليها ( خرشوف - كعب ) :$



بعد ما نقلب الخرشوف معهم نرش فلفل أسود ونقلب ,
بعدين نضيف ملعقه كبيره مليانه جبن سائل ونقلبهم لما تتجانس ثم نصب عليهم علبه صغيره من كريمة الخفق .



لما تغلي نضيف جبن شدر + موزاريلا .. مبشورين طبعاً .. بالكمية اللي تحبون .



طبعاً بأمكانكم تزيدون وتنقصون بالشكل اللي تحبونه لين توصلون للطعم اللي ترغبون فيه =)



ونقدمه مع التوست المحمص بالثوم .



- للي سألوني عن طريقته : توست نقطعه شرايح وندهنه بـ جبن سايل وصوص الثوم الجاهز من المطاعم ونرش شوي نعناع مجفف ع الوجه وندخله الفرن يتحمر وبس -




alt



التصنيف : التصنيف العاممقبلات

اترك تعليقا :

التعليقات تحتاج لموافقة صاحب المدونة لنشرها.

كل الحقوق محفوظة ل مدونة اطباق الذواقه للطهي

استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل