دجاج مع الخضار على الطريقه الصينيه Aream

دجاج مع الخضار على الطريقه الصينيه



alt



المقادير حسب ذوقك ورغبتك وعدد افراد اسرتك



الخضار حسب اللي تحبينه والاغلب هي مثل مو موجود

alt


بالصوره ( فاصوليا _ كوسا _ جزر _ فلفل رومي _ بصل ابيض _ كرنب _بيبي كورن

والافضل يكون طازج بس ما كان متوفر واستخدمت المعلب ما طلع حلو
مره _ زنجبيل طازج

_ ثوم _ فلفل اخضر حار للي تحبه سبايسي عاد انا ما حطيته ما يتحملونه اللي عندي

الله يشفيهم )

تكون الخضار مقطعه حسب الرغبه ومجهزه ..


alt

صدور دجاج مقطع مكعبات ومغمسه بنشاء بودره مخلوط معاه فلفل اسود وشوي كمون وملح ونتركها على جنب .

جهزنا كل شئ الحين نبدأ في وصفتنا بسم الله .

نحط زيت في مقلاه وما يكون كثير مره ونخليه يحمى شوي ونحط مكعبات الدجاج


alt


نقلب على نار هادئه حتى تبدأ تتحمر مكعباتنا



alt

نشيل الدجاج ونحطه على جنب وناخذ نفس الصينيه ونحط فيها الثوم بعد ما هرسناه مع الزنجبيل الطازج ونقلب بسرعه وتكون النار وسط وهنا ممكن تضيفي الفلفل الحار اذا تحبينه .



alt



بعد كذا نبدأ نضيف الخضار بالتدريج اولا الفاصوليا


alt


ثم الجزر

alt


ثم الكوسا والبصل




alt


ونحط الصوص وهو عباره عن ( ملعقه كبيره صلصة محار _ ملعقتين صلصة صويا حلوه _ ملعقتين كبار كاتشب _ ملعقه صغيره ملح صيني اجيني موتو _فلفل اسود وكمون _ ملح )



تخلط مع بعض وتصب على خليط الخضار .


alt


نضيف مقدار نص كاس ماء ساخن ونخليه خمس دقائق يغلي بعدين نضيف الدجاج وممكن تزيدين الماء اذا تحبين ..


alt




واخر شئ نضيف الكرنب والبيبي كورن

alt

ونقلب دقيقتين ونطفي النار انا احب الخضار تكون نصف استواء واحبها تكون مقرمشه .




alt


ويقدم مع الارز الابيض وتمتعي بالطعم...


alt




alt




وسلامتكم ..



التصنيف : اطباق رئيسية

اترك تعليقا :

التعليقات تحتاج لموافقة صاحب المدونة لنشرها.

كل الحقوق محفوظة ل مدونة اطباق الذواقه للطهي

استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل