عجينة أمي = لزيزهـ + طعمومه + قطنه artos


alt

1




2




3



Go


المقادير شخصياً اصلحها بالنظر يعني بدون قياس بس حاولت أقيس الكميه بالكأس المعياري ، ولاتنسون ان العجين يختلف في الصيف عنه في الشتاء. وتبقى طراوة العجين مسألة مزاج .



ذوقي بالعجينه }



أكرهـ كره العمى معجنات محلات الحلويات مثل هرفي , سنابل السلام, جهينه , الدبلوماسي .... إلخ أحس أني آكل شيء صناعي ماله نكهه ..



وماأحب بعد العجينه إللي نكهتها مخمره بزيادهـ ,, أستغفر الله أحس ريحتها مثل الشراب تكرم النعمه ,,,


بعض الناس يقولون عجينتي مثل القطنه ,, الصدز هي قطنه بس غير صالحه للأكل نيه 100% ,, كثير بنوتات مايحمرون الفطاير صح تبي تحتفظ بطراوتها تتعمد تطلعها من الفرن مثل طفل الأجنه مابعد أكتمل نضجه ~

فحاسبوا لهالأمور ,, أنا أبي عجينتي تصير مثل خبز المخابز ,, هشه من الخارج وقطنه من الداخل ,, نكهة الدقيق غير ملحوظه بها ,, جميع المكونات متناغمه سوا ومصلحين أحلى سيمفونيه ~


ولازم تصير ذهبيه ,, مهوب بيضاء وفيها خطوط بنيه ,, ولا محروقه ولا مبين أن فيها زلال بيض ولا بياض بيض بشكل متيبس يروع ,, أو تحسين أنك تاكلين كعك يابس ..


كثير يخلونها ذهبيه ولكن على حساب الطراوه , صحيح وأهم شيء العجينه لو تتسخن لليوم الثاني تكون مثل ماهي محافظه على طعامتها ..



هالعجينه معتمدهـ ببيتنا من يوم ماوعيت عالدنيا , وقلت أشاركم بها يا أمامير ..



مقادير العجينه ~



alt



لاتغركم الصورهـ المقادير إللي بها عشوائيه بس تعرفكم بالمكونات ..

المقادير بالكوب المعياري { 250 مل }



2 كوب دقيق { استخدم الدقيق السعودي }


3 ملاعق حليب بودره .


2 ملعقة طعام سكر { او حسب الذوق }


ذرة ملح .


ملعقه خميره فوريه .


كوب ماء فاتر .


ملعقه سمن مهدرج {كريسكو} بنكهة الزبده أو عادي .

{ ممكن استبداله بخُمس الكوب زيت } ولكن أحقاقاً للحق السمن المهدرج يعطيها نكهه أحلى وملمس أطرى وتحافظ على صلاحيتها لفترهـ أطول ..




الطريقه:


تذوب الخميره والسكر في ماء فاتر ونتركها قليلاً حتى نتأكد من نجاح الخميره ( إذا تضاعفت الخميره وصلحت رغوه يعني ناجحه)


ثم نضيف الحليب البودره والملح ونخلط ، بعدها نضيف ملعقة السمن أو الزيت


alt



نبدأ بوضع الدقيق ويفضل وضعه على شكل دفعات عشان نضبط مقدار الدقيق لانه مثل ماقلتلكم حسب الجو ساعات تاخذ العجينه دقيق اقل وساعات أكثر .

alt



نستمر في العجن حتى تتماسك وتتكور وتصبح بهذا الشكل ، نغطي العجين ونتركه ليتضاعف ويخمر في مكان دافئ، ايضاً حسب حرارة الجو ممكن تاخذ معك من ثلث ساعه الى ساعه ، شخصياً أحب أتركها نصف ساعه فقط .


alt



ملاحظه~

بهالموضوع استخدمت العجانه بالعجن ، لكن شخصياً افضل أعجنها بيديني أحسها تصير ألذ ، إذا أنتِ مو ok مع العجن أنصحك باستخدام العجانه . وسبق جتني إستفسارات كثير هل لازم نعجنها بالعجانه ، فالجواب أكيد لا بنظري.... عجن اليد ألذ من الماكينه لأنه يعطي العجين نكهه خاصه .

أيضاً العجين ممكن تصلحين فيه اللي تبين ، أنا صورت فقط بعض الاصناف اللي وقتي سمح فيها ، ممكن تصلحين فيها :

فطائر ، اقماع ، خلية ، سينامون ، فطائر نقانق ، ميني بيتزا ، فطاير سبانخ ، بيتزا كذابه ، ميني كلزوني ، دونتز..... الخ.

راح اقدملكم كذا فكره للتقديم و أعتقد إن أغلبها معروف ومتداول بين الكل.




سينامون كوب = Cinnamon Cup



alt


هالفكره إبتدعتها برمضان ، كنت ألاحظ إن السينامون بإفطار رمضان ماينوكل كله ، فقلت خليني أصلح مثل السينابارتز بس صغير .


Cinnaparts ......سينامون فَــلّه



المقادير:


alt


طبعا يبيلك صينية الكوب كيك الصغيره عشان تصلحينه .


مقدار من العجين ، تاخذين قطع صغيره عشوائيه بدون ماتعيدين تشكيلها .

خليط كل من }

نصف كوب سكر أسمر

ملعقه صغيره نشاء الذره

نصف ملعقه صغيره سكر الفانيليا

ملعقه كبيره قرفه مطحونه ناعمه

زبده مذابه .


الطريقه :

ندهن صواني الكوب كيك بقليل من الزبده ، ناخذ كل قطعه من العجين ونغمسها في الزبده ، ثم نغمسها في خليط السكر و القرفه


alt



نرص العجين فوق بعض حتى نعبي ثلاث أرباع الكوب ، بحيث نترك مجال لتضاعف العجينه



alt



نتركها تخمر لمدة نصف ساعه على الأقل حتى تتضاعف ، ثم ندخلها فرن متوسط الحراره حتى تنضج


أخذت معي 10 دقائق في الفرن ، من ثم شبيت الشعله العلويه عليها لين حمرت لدقائق بسيطه .



alt



بعد ماتنضيج ننزلها من الأكواب ونصب عليها الصوص اللين نبيه ، استخدمت نفس الصوص اللي بالسنابراتز ، { نستله و كيري } وتزين بالبيكان او الجوز الحلو .



alt


التصنيف : مخبوزات

اترك تعليقا :

التعليقات تحتاج لموافقة صاحب المدونة لنشرها.

كل الحقوق محفوظة ل مدونة اطباق الذواقه للطهي

استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل