ورق عنب بالزيت يتحدى المطاعم الشاميه.. بالخلطه السريه والخطوات المصوره artos

السلام عليكم ورحمة الله وبركاته .


alt



هاي امامير .




ميزات ورق العنب ( اليالنجي ) اللي احبه :


للمعلوميه ماذقت بمطاعم السعوديه ولا ورق عنب حلو كلهم مستواهم اقل من العادي ، لا عند ابو كمال ولا النافوره ولا العجمي..... الخ ، ( يالنجي) ذقته كان من ايادي ستات بيوت شاميات فقط . بس برضوا مو أحلى من حقي بالنسبالي طبعا <== أبوك يالغرور .



تكون نسبة الملح متوافقه مع الحموضه ، ويكون حامض بس مو لدرجة انه ينشف الحلق ويثير غدد اللعاب بشكل مؤذي خخخخخخخخخ .



مايكون شاحب أصفر ولا أحمر مثل الصلصه ، يعني احب يكون لون زيته مثل المكدوس وأخف .



3 ـ تكون الحشوه ممتلئه بس مو مكدسه ومعجنه . ولا هي نحيله تحسينها بتدوخ من النحف .



4 ـ تكون الورقه طريه ومتماسكه بنفس الوقت ،مجرد ماضغط عليها تنقطع مو اقعد أسحّب فيها . واتفشل قدام المعازيم وانا اقطع فيها ، يعني إذا قطعتيها يطلع مثل السوشي منظم ومرتب ولا هو متناثر .



5 ـ نسبة الرز متناسقه مع الخضار ومتمازجه مو كتلة رز على جنب وخضره على جنب ثاني .



6 ـ احبه لاذع شوي يعني اول ماتحطينه بفمك تحسين بتقريصه ويكون فيه نسبة ثوم بسيطه بس مو طعمه مثل الشاورما كله ثوم، احبه يكون مثل السحر ماتحسين طعم الثوم بس تحسين ان فيه نكهه مميزه .



مميزات الورقه ماحبها تكون خشنه او لونها أخضر مثل العشب او اصفر مثل اوراق الخريف احبه متوسط ، ايضا عروق الورق ماحبها تكون كبيره لازم تكون ناعمه ، والورق حجمه متوسط لا بالصغير ولا بالكبير .




ورق العنب بالزيت يسمى ( يالنجي ) يعني باللغه التركيه على ماعتقد ( كذاب ) ، ليه سموه كذاب لان ورق العنب الاصلي باللحم ، وايام الركود الاقتصادي بزمن العثمانيين إذا مو غلطانه ، كانت ظروف الناس الماديه عدم ، فكانوا يصلحونه من غير لحمه ، فسموه ورق العنب الكذاب . يعني ورق عنب تصريفه خخخخخخخخخ .


وإذا كنت غلطانه بالمعلومه ياليت اخواتنا من بلاد الشام يصححون لنا .


طولت حليكم الحكي ، بس عاد وش اسوي احب اوصف ذوقي عشان محد يتوهق ويجرب ورق العنب ومايطلع على ذوقه .



المقادير :

ورق العنب والطبخ بشكل عام يعتمد على النفس، مو النفس الاكسجين لووووووووووول ، اقصد النفس بالطبخ .


مو إذا ماضبط معكم تبهذلوني ، وان شاء الله يضبط معكم وتدمنونه .

مقاديري تقريبيه .




alt


ورق عنب اسستخدم كل العلبه . افضل نوع بالنسبالي العلالي ورقه متوسط وناعم ، جربت انواع كثير مارتحت غير للعلالي .





كاستين أرز أسترالي ( صنوايت ) .


alt




alt


حبتين كبار طماطم بندوره


حبتين كبار بصل .


حزمة بقدونس . تقدرين تقولين مقدار اربع قبضات .


ربع حزمة نعناع . قبضه وحده .


شوية شبنت( اختياري ) . مايقارب ربع الحزمه .




alt



alt



كأس عصير ليمون .


كأس زيت زيتون عصره أولى .

من أربع الى خمس فصوص ثوم أو حسب الرغبه .

ملعقة طعام صلصة طماطم .


مكعب ماجي ( مرقة دجاج)


ورق نعناع مجفف او مفروم طازج تقريبا ملعقه طعام .



alt


ملعقة صغيره بهار حلو .


ملعقة صغيره فلفل أبيض .


ملعقه صغيره قرفه .


ملح .

ماء للسلق .

طماطم وبطاطس .




الطريقه :



ـ اغسلي الخضار وصفيه من الماء .


ـ أغسلي الارز



ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .


ـ صفي الرز من الماء زين واضيفيه للخضار . مو ضروري نقع الارز بس أفضل انقعه .


ـ حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .


وهذي الحشوه بعد ماجهزت .


alt


بالنسبالي الافضل ان مقدار الحشوه تكون ثلث رز مقابل ثلثين خضار .



alt

ـ نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .





alt


ـ الحين ناخذ ورق العنب نغسله ونشيل السيقان ( الروس ) .


alt


ولما تلفون الورق ركزوا لازم تحطون الحشوه بالجهه الخشنه اللي عروقها بارزه ، لانك لو لفيتيها بالعكس بيطلع الورق لونه مو حلو والعروق واضحه فيه غير انه بيكون خشن .


alt



حطي الحشوه بالجهه اللي مأشر عليها .



بالنسبه لطريقة اللف . يبيلها شوية شد مو تشدينه بقوه ولا ماراح ينفش الرز براحته وحيتكتل .


alt



حطي الحشوه .


على فكره الحشوه مليانه سوائل ( زيت - ليمون ) فأفضل اني اصفي جزء منها بالمصفاه عشان ماتعب اثناء اللف ويقعد يقوطر لي .



alt



alt



من ثم لفي الجنبين .


alt



alt



الحين شدي شوي وانت تلفين . والترتيب باللف كفيل انه مايخلي شكله يخرب اثناء الغلي .



alt



وهذي هي ..


alt



ونرصها بالقدر .


alt



واستمري باللف لين
تخلصين .



alt



وهذا القدر بعد ماخلصت اللف خليهم مرصوصين
جنب بعض .


alt


صبي الزيت وباقي الليمون ، وأيضا ماتبقى من
ماء الحشوه
صفيه وحطيه



نجي للخلطه السريه .



دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قد ايش يعطي نكهه مميزه غير كذا يشيل ريحة الثوم القويه .


alt


ذوبي الصلصه
ومرقة الدجاج واضيفيهم للقدر وإذا احتاج ملح اضيفي شوية ملح .



alt



إضغطي
القدر بصحن سيراميك او اي شغله ثقيله . واضيفي الماء لين يغمره بهالشكل .


alt



وخليه لين يغلي ، اول مايغلي هدي النار عالآخر ، وخليه
ساعه بالتمام
.



وهذا شكله وهو ناضج .


alt



بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .


alt



بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته ولونه الزاهي بالثلاجه لحين التقديم .,



alt


شوفوا شلون لون الصوص وسمكه لازم مايكون مثل الماء ، تحسيننه مثل الرُب و الصوص ثقيل ومدهن .



alt


غطيه واحتفظي فيه بالثلاجه ، وعاد مو تقدمينه بهالشكل شكله مو حلو ، رصيه بصحن التقديم زينيه بشرحات الليمون . وعادي يقعد بالثلاجه أسبوع طالما راعيتي النظافه .


ويقدم بارداً

ملاحظه:

البعض يحب يضيف سماق او دبس رمان للحشوه ، شخصيا مافضله مايعجبني يكون ورق العنب محمر . بس اللي يحب يضيفله راح يعطي نكهه مميزه .


alt






وصحه وعافيه .








التصنيف : مقبلات

اترك تعليقا :

التعليقات تحتاج لموافقة صاحب المدونة لنشرها.

كل الحقوق محفوظة ل مدونة اطباق الذواقه للطهي

استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل