Princess Sweet ~حلى أحلى برنسيسه artos

Hi ~



alt




من زمااااان وزمااانات عن قسم الــ Desserts & Sweets


هالحلى أهداء مني لثلاث جهات..


لـــ طالبات مدرسة الطبخ (عالمجهود إللي بذلوه لأنهم تعبوا بتطبيق الدروس , وأبدعوا فما كان إلا أني أدور لهم طبق سهل)


لــ أم طلال ولين و لـــ aream2008 ( لأني نطرتن كتير كتير <=== من وين الأخت )



اليوم راح أقدم لكم حلى قهوه سهل وبسيط , وبنفس الوقت يرفع الراس ويواجه قدام ضيوفك

هالحلى لي سنه تقريباً أصلحه ,وكل ماضيفت ضيوفي يسألوني من وين شريتيه ؟


أقولهم والله أنا سويته ( هالحلى بالحيل بسيط حتى الطفله تقدر تصلحه ) ... وبعد مد وجزر <== يعني أخذ وعطى بالسواليف صدقوا أنه حلى شغل بيتي }



سبب أنجذابهم متأكده الشكل مأثر عليهم <== أبوك يالواثق


بتقولون ليش هالمقدمه الطويله ... لأني ماأحب أضيف أي حلى إلا وأنا معلمتكم عن تصوري وخيالي عنه


شخصياً منب صحبه أبداً مع حلويات أخلطي وأطحني وفتتي , ليش !!! الله أعلم ..



بس هالــ Sweet هو الوحيد إللي دخل قلبي , لأنه كيوت <=== وش جاب كيوت بالله

لوووووووووول , لا بجد لأن شكله حلو وطريقة حفظه أحلى , وبنفس الوقت ممكن تحضرينه من فتره ومتى ماجوك ضيوفك تقدمينه ..ولا تحتاسين بتقطيعه .


وأكبر سبب لحبي له , هو أنه متناسب لنوعية الضيوف بزمنا الحالي ..

نوصف نوعية هالضيوف إللي ماصارو يعجبوني ويصير موضوع تأديبي لهم وبنفس الوقت موضوع عن الــ Sweet


من تالي صايره أحب أفضفض ... عاد أستحملوني حبتين


- مناسب للضيفه إللي من يوم ماتدخل نفسها مسدوده وراسها مصدع <=== وشوله جايه أبي أعرف


- مناسب بعد للضيفه إللي تصلح رجيم وماتبي تعترف وكل شوي بس وبس وتوزع الحلى بمناديل عشان تقول أنها تاكل ( هالشيء يسمى هدر للنعمه ..)


- مناسب لنوعية الضيوف إللي تقول وووووع حلى غثيث , مالها عذر صغيرون وملعقتين وخلص


يعني راح نفتك من شيء أسمه هدر للنعمه .. مابه زوائد ولا به مايحزنون , بس نصيحه لا تقدمونه للأطفال عشان لا يفتحون الغطى ويسكرونه ويجيبون لك العيد ~


وإن كان طاولتك قزاز أنكسر الحلى مع الطاوله بنفس الوقت ( وش هالسوداويه بالله ) <=== بس أخبركم بجميع جوانب الموضوع ... عشان بهالموضوع ماأبي أحد يقول ( بس ) <=== إيجاد أي خطب يعني


ونهايةً الموضوع حقي مقي ( أول مره أعرضه بالنت) شفتوا أحد زينه ولا ذقتوه ولا طعمتوه منا ولا مناك ... مالي شغل يمكن أخذوه من أحد من قرايبي .. بس حقي مقي , جميع الحقوق محفوظه لـــ أرتوس أم الآراتيس ولكل عائلة أم الآراتيس <=== ماهو أنشهر عندنا لوووووووول ..


يالله نخوووش المطبخ





المقادير:



ملاحظه}


لنتائج افضل يستحسن يكون عندك الأواني الزجاجيه مثل اللي استخدمتها ، في حال ماتوفر لك ممكن تستخدمين أواني الشموع اللي تجيك صغيره ، حلاتها بصغر حجمها ، لاتغركم مبين بالصوره كبيره بينما هي عكس ذلك , حجمها مطابق تقريباً لقطر حبة الأوريو




alt




الكميه تكفي 12 آنيه لـ 12 شخص .



كيك شوكولاته ( استخدمت نصف كيكة امريكانا ) شخصيا افضل اصلح الكيكه بنفسي بس هالمره عشان التصوير استخدمت امريكانا <== خايفه تتهمونها بحب الشقاء ..( بنات مره مره تغيرت بعض الماركات عندنا يستخفون بنا .. ممكن تستخدمين بيتي كروكر , sara lee ( سارا لي ),لأن أمريكانا تغير بالحيل بس مايبين بالحلى )



12 حبة بسكوت بالسمسم ( اولكر)


( كيس أوريو واحد) أبو 6 حبات منزوع الكريمه ( يعني بيطلع معنا 12 شرحه)


حليب للتغميس




مقادير صوص الشوكولاته :


علبة قشطة.


4 اصابع تويكس


1 شكولاته فليك


ظرف بودرة كريم كراميل


2 حبه بسكوت اوريو ( منزوع الكريمه يعني 4 شرحات )



للزينه :

شوكولاته مره




الطريقه}



نقطع الكيك قطع عشوائيه ونرصها أسفل كل وعاء



alt




نضغطها بالاصبع ( عاد مو تفعصينها لين تموت , بالراحه ياقلبي , لأني زمان كنت أفعصها بكل جوارحي ماأدري ليه , فتصير تتعب بالأكل أنتبهي)



alt



نغمس بسكوت السمسم بالحليب ونضعه فوق الكيك ( بعد مو تخلينه يسبح على كيفه ؟؟ بسكويت السمسم بسرعه يتفتت بس ذوقيه الحليب .. غمسه وحده ونزليه بسرعه )



alt




ايضاً نغمس بسكوت الأوريو ونرصه فوق بسكوت السمسم (يستحمل الحليب حبتين ماراح ينخنق) <==== مسكين مو راضي يشرب الحليب لووووووووووول




alt





نخلط مقادير صوص الشوكولاته بالخلاط الى ان يتجانس .



ياكتاكيت عارفين كلنا أن التويكس يابس , فـأفضل طريقه أنك أول ماتبدين بالتحضير تخلطينه , وكل شوي دز دز دز ( مسموح التعذيب هنا ) ..



وأحرصي أن المكونات تكون على درجة حرارة الغرفه عشان لا تتعبين بالخلط ..



alt




نصب الخليط فوق كل اناء حتى نغمره




alt





نزينه ببشر شوكولاته مره أو اي نوع شوكولاته ، بس يستحسن تكون مره عشان تعدل النكهه ، وتعطي شكل أحلى .




alt




و يقدم




alt




alt




وبالعافيه على أحلى قلوب , قلوب بنات شمواهـ



وأخيراً ~



أرتوس أم الأراتيس ماترجع لمواضيعها ... عاد هذي عيبه فيني من تالي ..


لذلك أفضل لو نزلت شيء أقول مصدره كامل مكمل , ماأبيكم تفرفرون بالأسواق عالفاضي , الأواني تحصلونها بساكو , وبالأساس تستخدم للحفظ وتقديم الــ sauce و الــ dip و الـ مربيات والزبده ( خاصه بأفطار مع كروسون وتوست تطلع جُونان) , أيضاً مع بعض المثلجات ..



أيضاً ممكن تحصلونها بالسيف جاليري , سعر الصحن الواحد بين الــ 12 ريال إلى الــ 8 ريال


من الشفاحه يوم شفته شريت الشكل المربع , والبيضاوي , والدائري ... أحلاهم المربع ..والدائري مناسب لحلانا ..


وأنتظروني خلال الأيام القادمه بتشيز كيك بطريقه أسرع من السرعه نفسها , بنفس القوالب ..


دمتم بحب alt



التصنيف : حلويات

اترك تعليقا :

التعليقات تحتاج لموافقة صاحب المدونة لنشرها.

كل الحقوق محفوظة ل مدونة اطباق الذواقه للطهي

استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل