حلى سفره: frozen oreo cheese cake ~ artos

Hi~



alt



وحشتوني ,, هالموضوع ماكان ودهـ ينزل ,, الله يسعدها حبيبة قلبي ‏chocolate } ساعدتني بتحميل الصور من مركز تحميل شمواهـ ,, بما أن السيرفر الجديد لشمواهـ مابعد وصلني ,,



بس أصريت أنزل الموضوع قريب من الموعد المحدد ,, على الأقل بتاريخ مميز ولو أنه فات


9 - 9 - 2009


<=== فيني عقدة الشعب السعودي بالأرقام المميزهـ لووووووووول ..


الــ Sweet اليوم غير شكل , مظهره يواجه بقوهـ ,,


ماأدري ليه كل ماصلحته الناس يقولون لي يهبل ,, wooooow ,, وكلام واجد ,, ودايم دايم صديقاتي يطلبون الوصفه عشان تتمخطر قدام سي السيد ,, هو بالذات دوناً عن سواهـ ..


الصزز هو حلو ,, وكل أبو شيء فيه ... بس أنا عن نفسي ماأحبه أحس جسمي يتسمم من الحلى إللي بهالشكل ,, يعني أحس لو أني زينت لي أيسكريم أسهل ,,, بس وش أسوي تحت ألحاح من وصفات صبي وأخلطي قررت أنزله ,, بالرغم أن خطواته طويله ,,


أول مره صلحت هالسويت كان عمري 18 سنه ,,, وتوني بديت أفرش أجنحتي بمطبخ بيتنا بكل ثقه ..



أمي الله يرحمها تحبه مره مره ,, وأمي طباخه مدري وش عجبها فذا الحلى ,, الظاهر إنها تجاملني ..


ولو أن أمي ماينرفض لها طلب بس بالحقيقه والواقع ما أصلحه لها إلا ماندر ,, أحسه بيفقع طبلون السكر وبيجيها سكر ,,


وأبوي بعد ليومكم ذا يطلب أكبر قطعه وياكله ,, أخاف يجيه سكر من هالحلى ..


المهم أنا صلحته لبنات شمواهـ السكر ,, بس لايجيكم سكر وتسمنون من ثم تدعون علي ,, بالرغم أن حلاهـ خفيف بالحيل أبداً مو حالي <=== ترى أنا ماأحب الحلى المليان سكاكر أحبه جاي بشوكليت على مرارهـ عشان كذا هالحلى ناسبني ..


بتقولون ليه دايم أكتب كل أبو هالمعلقات قبل الوصفه ؟؟



لأني أحب أتطمن قبل التجربه لما وحده تنزل وصفتها ,,أبي أحد يوصلي النكهه والطعم قبل لا أجرب ..


بأختصار هالحلى طعمه مثل آيسكريم السعوديه الساندويش {فانيلا ,, ببسكويت دارك شوكليت } وفي روايه أنه أحلى وأطعم منه لأن كميته أكثر ,,, وأنتم الحكم !!!


بسم الله نبدأ }


المقادير ~


alt


الطبقه الأولى { البيضاء }


علبتين قشطة التاج


ظرف دريم ويب


ظرف كريم كراميل


3 حبات جبن كيري

ربع كوب حليب سائل


3 ملاعق بمغرفة الآيسكريم آيسكريم فانيليا | وجود الآيسكريم أختياري |


،


الطبقه الوسطى ~


كوبين كريمة خفق


علبة كبيره جبن فلادلفيا


4 أكياس بسكويت أوريو = 24 حبة أوريو


،



الطبقه الأخيرهـ ~


نص كوب حليب سائل

3 أو 4 أكياس بسكويت أوريو { حسب حجم الصينيه }



الطريقه ~


نلخط مقادير الطبقه الأولى بالخلاط الكهربائي ,, حتى يمتزج تماماً ..



alt





بتلاحظون أني لبست قالب الباوند كيك بكيس نايلون بعد مارشيته ببخاخ الزبدهـ أسهل ,, بحيث أقدر أنزل الحلى ,,


وللمعلوميه أستخدمت قالب الباوند كيك كنوع من التغيير وبالغالب أحطه بصينية التشيز كيك ويطلع قمة الروعه ,, أحلى من كذا بعد ,, وفيه تناسب أكثر بين الطبقات وسهوله بأكلها ,,

بس لاتنسون ترتيب الطبقات بيكون عكسي لو أستخدمتي بايركس أو قالب التشيز كيك ..


alt



نصب خليط الطبقه الأولى بالصينيه , ونتركه بالفريزر حتى يجمد لمده بين ساعه إلى 3 ساعات حسب فضاوتك ..



نبدأ بالطبقه الوسطى ونكسر البسوكيت أولاً , ونقوم بطحنه حتى يُطحن جيداً ..


alt


بعد خلطه نظيف كريمة الخفق ..





ثم نظيف جبن فلادلفيا ~


alt


عملية الخلط بطيئه ,, لاتزيدين مويه أو غيره ولا كريمه ألتزمي بالمقادير ,, أهم شيء تخلطين زين وراح ينخلط وبيكون معك سلس بس ألتزمي بالخطوات والمقادير تماماً ,,


وإذا ماحسيتي أنه أنخلط تماماً ,, حركي بملعقه وأرجعي شغلي الخلاط ,, مثل ماقالت حافظوا على سلاسته ..


لو تلاحظون أستخدمت أوريو بحشوة الشكولاته ,, بحيث ماأرمي الحشوه ولاتبين أثناء الخلط ,, بالرغم أنها ماتأثر ,, لو حابه تزيلين الطبقه أفضل وأفضل ,, وكلنا نعرف إن هالحشوهـ عباره عن سكر وبياض بيض <=== بقرفكم ..


لأنها مارينج ,,



يصب خليط الطبقه الوسطى , فوق الطبقه الأولى بعد أن تجمد وتتماسك ..


alt

تدخل الفريزر حتى تجمد وتتماسك تماماً ..



نجهز الطبقه الثالثه وننزع الحشوه من بسكويت أوريو ,, ونخلطه مسبقاً ..


alt


من ثم نضيف له الحليب ونستمر بالخلط جيداً ..



نصبه في الصينيه ,, وبتلاحظون قوامه شوي سميك


alt


يفرزن ,, وقبل التقديم بساعه يوضع بالثلاجه ليسهل تقطيعه وأكله ..


ويزين بحبيبات الهيرشي بالشكولاته , وقطع بسكويت الأوريو ,,



وبالهناء والعافيه على قلوبكم


alt


دمتم بحب ..alt



التصنيف : حلويات

اترك تعليقا :

التعليقات تحتاج لموافقة صاحب المدونة لنشرها.

كل الحقوق محفوظة ل مدونة اطباق الذواقه للطهي

استضافة مجانية من موقع مدونات عبر! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة | سياسة الخصوصية |نسخة الموبايل